Partia Demokratike do të zhvillojë të martën (23 Dhjetor) protestën e radhës të saj, ku për herë të parë pas më shumë se një viti pritet të jetë edhe kreu i saj, Sali Berisha, i sapoliruar nga “arresti shtëpiak”.
Ish-kryeministri po prej kaq kohësh ndodhet nën akuzë dhe tashmë i pandehur nga SPAK, për aferën e dosjes “Partizani”, për veprën penale të korrupsionit.
Protesta është planifikuar të nisë në orën 17:00.
Gazetarja e Report TV, Danjela Maloku, informon se do të bllokohen: Rruga pranë Bashkisë së Tiranës, rreth-rrotullimi tek “Zogu i Zi”, tek sheshi “Uillson”, tek “Pallati me Shigjeta”, si dhe kryqëzimi tek “Rruga e Elbasanit”, pranë xhamisë së “Namazgjasë”.
Protesta e 26 Nëntorit zgjati tre orë dhe paralizoi disa nga nyjet kryesore lidhëse në kryeqytet.
