Kryetari i Partisë Socialdemokrate, Dardan Molliqaj, ka thënë se ai është për ripërcaktimin e kufijve.
Në një intervistë për emisionin “Spotlight” prodhim i Gazetës Online Reporteri.net, Molliqaj ka thënë se është pro ndarjes së territorit të Kosovës, ashtu që Kosova ta marrë Luginën e Preshevës, dhe ta japë Veriun.
“Vetëvendosja ka dështu me i integru serbët sepse shpjegimi i Vetëvendosjes për veriun ka qenë: serbët nuk po integrohen sepse bandat kriminale po i shantazhojnë. Tash qytetarët e Kosovës, Vetëvendosja i ka bind se bandat nuk janë më në veri. Po ia pranojmë edhe na. Rezultati zgjedhor do të jetë për Listën Srpska më i thellë se para që ka ba Vetëvendosja. Pra, e ka unifiku krejt popullin serb në Kosovë dhe për me e trajtu popullin serb në Kosovë qysh na ka trajtu neve Millosheviqi si kompaktësi, ajo është e papranueshme. Unë jam për ripërcaktim të kufijve, unë jam për me nda territorin e Kosovës, në kuptimin për me marr Luginën e Preshevës, edhe me jap veriun, ama unë nuk jam kundër serbëve”, ka deklaruar Molliqaj.
Sipas Molliqajt, Lëvizja Vetëvendosje ka dështuar t’i integrojë serbët.
