Inteligjenca Artificiale po përparon me shpejtësi të jashtëzakonshme dhe ka shumë prej atyre që përfitojnë nga teknologjia përmes skemave të mashtrimit. Me një rast të tillë u përball edhe kryeministrja tajlandeze e cila për pak mendoi se po fliste vërtetë me një lider tjetër të njohur botëror, pasi zëri i tij ishte imituar në mënyrë identike
Inteligjenca artificiale po përdoret edhe për mashtrimin e krerëve të shteteve, apo dhe aktorëve të njohur. Kryeministrja e Tajlandës, Paetongtarn Shinawatra, ka marrë një telefonatë ku në anën tjetër ishte zëri i një tjetër drejtuesi shteti.
Deri mesditën e së enjtes nuk bëhet e ditur se cilin zë imitoi IA, por u zbulua se gjithçka ishte trillim.
Kryetarja e qeverisë sqaroi se për pak mund të kishte rënë pre e tyre pasi zëri ishte identik, por ishte mënyra e të shprehurit që e bëri të dyshonte.
“Ata më dërguan fillimisht një mesazh zanor duke më thënë mirëmëngjes. Pas disa bisedave, ata pretenduan se Tajlanda ishte i vetmi vend Asociacionit të Kombeve të Azisë Juglindore që nuk kishte dhuruar para për kauzën e tyre dhe dërguan një link ku mund të kryeja donacionin. Këtu kuptova se diçka nuk shkonte”, tha ajo.
Mashtruesit e kontaktuan atë përmes një aplikacioni të huaj mesazhesh dhe jo përmes atij që përdoret në komunikimin e përditshëm atje.
Rekrutonte vajza nga Kina dhe Kazakistani dhe i shfrytëzonte për prostitu*ion, arrestohet turku në Tiranë
Kryeministrja Shinawatra paralajmëroi publikun të jenë sa më të vëmendshëm pasi këto mashtrime po bëhen gjithnjë e më të avancuara dhe delikate.
Ndërkaq, në Evropë duket se është zbuluar një nga rastet e mashtrimit me shuma të mëdha.
Një 53-vjeçareje nga Franca, iu vodhën 830,000 euro përmes kopjimit të zërit dhe audios së Brad Pitt.
“Nuk jam e çmendur, por mashtrimi ishte i mirë-organizuar. Madje mua më shkroi një tjetër adresë, në emrin e nenës së Pitt ,duke më thënë se ai kishte nevojë për një grua si unë, dhe e besova. E gjithë kjo zgjati një vit e gjysëm. Më besoni nuk jam e vetmja” – deklaroi ajo.
Gjatë kontaktit me adresën falso, asaj i është ofruar një bisede e ngrohtë, intime, e deri te dhuratat e supozuara, por që kurrë nuk i mori.
Një përfaqësues i Pitt reagoi për median amerikane Entertainment Weekly, duke thënë se ishte e tmerrshme sesi mashtruesit përfitojnë nga lidhja e fortë e fansave me të famshmit.
