Një prind nuk do ta pranojë kurrë, por që fëmija i preferuar ekziston, nuk është një mit i pabazë, shkruan salute.eu.
Sipas një studimi shkencor i publikuar nga Shoqata Psikologjike Amerikane në revistën ‘Buletin Psikologjik’ përshkruan gjithashtu një identikit se cilët vëllezër e motra kanë shpresën më të madhe për të fituar atë vend të veçantë në zemrën e mamasë dhe babit.
Autorët kryen një meta-analizë të 30 artikujve dhe disertacioneve/tezave të revistave të rishikuara nga kolegët, së bashku me 14 baza të të dhënave, që përfshinin gjithsej 19 469 pjesëmarrës në studim.
Ka nga ata që mendojnë se më i vogli është gjithmonë ‘pasardhja e artë’ dhe nga ata që do të vinte bast për të parin, më të madhin, i cili domosdoshmërisht fillimisht merr vëmendjen e plotë pasi nuk ka pse ta ndajë ende me të ardhurit e rinj në familje.
Por në realitet analiza e studiuesve të çon në një drejtim tjetër: çmimin e fëmijës së preferuar të fshehtë mund ta fitojnë më lehtë femrat dhe ato mes vëllezërve dhe motrave që kanë tiparet e karakterit të të qenit të ndërgjegjshëm, të përgjegjshëm, të këndshëm.
