Rritet kontributi i Forcave të Armatosura të Shqipërisë në misionet ndërkombëtare.
Ministri i Mbrojtjes, Pirro Vengu u shpreh sot se përveç rritjes së kapaciteteve brenda vendit, Forcat e Armatosura nga viti në vit po rrisin edhe kontributin në misionet dhe operacionet ndërkombëtare, jo vetëm sa i përket numrave, por edhe hartës së angazhimeve ushtarake në mbështetje të paqes anembanë globit.
Ministri ka njoftuar se Shqipëria do të dërgojë edhe 50 ushtarak në misionet e saj jashtë vendit.
“Në vitin 2025, Forcat e Armatosura do të kenë prani të shtuar me 50 trupa në misionet e KFOR në Kosovë, ALTHEA në Bosnjë dhe Hercegovinë, NSATU dhe Operacionin Interflex, dy të fundit në mbështetje të Ukrainës, duke konfirmuar dinamizmin e angazhimeve te Shqipërisë në mbështetje të paqes, sigurisë dhe stabilitetit në botë”, nënvizon Vengu në një postim në rrjetet sociale
