Në Korenë e Jugut, ka të paktën 500 vende publike që janë të ndaluara për fëmijët, duke përjashtuar ato ku të miturve normalisht u ndalohet hyrja, si baret dhe klubet e natës.
Shumë biblioteka dhe librari, muze dhe restorante nuk lejojnë fëmijët. Kontradikta e madhe në të gjithë këtë është se Koreja e Jugut ka normën më të ulët të lindjeve në botë, megjithatë prindërit thonë se qeveria nuk po e bën më të lehtë për ta të kenë fëmijë kur qindra objekte publike në të gjithë vendin janë përcaktuar si “zona të ndaluara” për fëmijët”. Në vitin 2022, Koreja e Jugut ishte i vetmi vend në botë që kishte një normë lindshmërie më pak se një, ose “0.78” fëmijë. Rënia e natalitetit, të cilën qeveria shpreson ta kundërshtojë edhe me nxitje ekonomike, është rezultat i politikave patriarkale të frymëzuara nga konfucianizmi, të cilat penalizojnë fuqishëm gratë, të cilat vitet e fundit, si reagim, nuk aspirojnë më të kenë fëmijë, por ëndërrojnë pavarësinë, para së gjithash të trupit të tyre.
Në fillim të majit, një deputete solli fëmijën e saj në Asamblenë Kombëtare dhe i kërkoi qeverisë të shpallte të jashtëligjshme politikën që lejon restorantet, muzetë, kafenetë dhe vendet e tjera publike të ndalojnë hyrjen e fëmijëve. Në fjalën e saj, Yong Hye-in, përfaqësuese e Partisë së të Ardhurave Bazë, tha se po bëhet gjithnjë e më e vështirë ngritja e një familjeje në qytete që ndalojnë fëmijët nga zona të caktuara. “Jeta me një fëmijë nuk është e lehtë,” tha Yong në Asamblenë Kombëtare. “Megjithatë, ne duhet të rikrijojmë një shoqëri ku mund të jetojmë me fëmijët tanë.” Megjithatë, kufizimet për praninë e fëmijëve në vende publike nuk kufizohen vetëm në Kore.
Politikat në restorante dhe kafene kanë ndezur debate në SHBA, si dhe në Mbretërinë e Bashkuar të lartpërmendur, Kanada, Gjermani dhe gjetkë. Disa linja ajrore, duke përfshirë Japan Airlines, Malaysian Airlines dhe IndiGo në Indi, kanë krijuar opsione që pasagjerët të zgjedhin vendet larg fëmijëve ose foshnjave. Disa biblioteka dhe muze gjithashtu vendosin kufizime minimale të moshës për vizitorët. Këto politika përballen me një përzierje zemërimi dhe miratimi, kudo në botë. Përkrahësit argumentojnë se sipërmarrësit kanë të drejtë të kërkojnë të ofrojnë paqe mendore për klientët e tyre. Kundërshtarët thonë se kjo rrezikon stigmatizimin e fëmijëve dhe mohimin e të drejtës së tyre themelore për të ekzistuar në hapësirën publike. Por batica mund të jetë gati të ndryshojë. Shtytja për të hequr qafe politikat që pëlqejnë zonat pa fëmijë mori vrull javën e kaluar kur komiteti i shëndetit dhe mirëqenies së ishullit Jeju, një destinacion popullor turistik në skajin jugor të Gadishullit Korean, miratoi një urdhëresë rezolute që do të shfuqizonte zonat e pa fëmijë në të gjithë ishullin.
