Mediat amerikane kanë zbulur përmbajtjen e letrës që paraardhësi i tij Joe Biden i ka lënë në fillim të kësaj jave, me rastin e ndryshimit mes dy liderëve në Shtëpinë e Bardhë.
Letra të cilën Trump e gjeti brenda tavolinës në zyrën ovale, hapet me formulën klasike epistolar.
“I dashur President Trump ndërsa mësoj të largohem nga kjo zyrë e shenjtë, dëshiroj t’ju uroj ju dhe familjen tuaj gjithë të mirat për katër vitet e ardhshme. Populli amerikan dhe njerëzit në mbarë botën e shikojnë këtë shtëpi si një simbol të stabilitetit në stuhitë e pashmangshme të historisë duke kërkuar qëndrueshmëri dhe lutja ime është që vitet në vazhdim të jenë një kohë prosperiteti, paqeje dhe hiri për kombin tonë. Zoti ju bekoftë dhe udhëzoftë ashtu siç e ka bekuar dhe udhëzuar kombin tonë të dashur që nga themelimi i tij.” përfundon Biden.
Presidenti amerikan e gjeti letrën të hënën, në ditën e parë të mandatit të tij të dytë kur korrespondenti i medias “Fox News” në Shtëpinë e Bardhë vuri në dukje mundësinë që Biden mund t’i kishte lënë një letër. Trump hapi sirtarin e tavolinës dhe gjeti një të bardhë “47”, ose ndryshe presidentit të 47-të të Shteteve të Bashkuara. Në ditët në vijim, ai falenderoi Biden për letrën duke e quajtur atë “shumë të sjellshme”.
Tradita presidenciale për t’i lënë një letër pasardhësit është relativisht e re. Ajo filloi në vitin 1989 kur Presidenti Ronald Reagan u largua nga Shtëpia e Bardhë pas dy mandatesh, duke ia kaluar stafetën ish-presidentit George H. W. Bush. Kjo traditë ka vazhduar edhe sot e kësaj dite me presidentët aktual.
