Finalja e spektaklit Big Brother VIP Kosova 3 ishte një mbrëmje emocionuese, plot surpriza dhe momente të paharrueshme.
Por një detaj që nuk kaloi pa u vënë re ishte thirrja e fuqishme e emrit të Gjestit nga publiku i pranishëm në sallë.
Ndërsa dhjetëra finalistë dhe momente të tjera ishin në qendër të vëmendjes, një pjesë e madhe e publikut, i përbërë nga qindra veta, shfaqi hapur mbështetjen e tyre për Gjestin.
Kjo ndodhi pavarësisht faktit që ai u eliminua disa javë para finales, një moment që shkaktoi shumë reagime dhe diskutime në opinionin publik.
Eleminimi i Gjestit është konsideruar si një nga vendimet më të debatuara të këtij edicioni. Shumë ndjekës të programit ishin të bindur se ai e meritonte finalen, duke u bërë kështu një prej personazheve më të pëlqyer dhe të diskutuar të këtij sezoni.
Thirrjet për emrin e tij në finalen e madhe ishin një dëshmi e qartë e përkrahjes së madhe që vazhdon të gëzojë jashtë shtëpisë.
Megjithatë, për Gjestin, fati pati surpriza të tjera. Vetëm disa ditë pas largimit nga Big Brother VIP Kosova, ai u bë pjesë e Big Brother VIP Albania, një mundësi që ai e ktheu në një sukses të ri. Në këtë format, Gjesti vazhdon të tërheqë vëmendjen me qëndrimin e tij dhe ka fituar zemrat e publikut shqiptar edhe më gjerë.
