Kandidati i LDK-së për kryeministër, Lumir Abdixhiku ka pritur në takim ambasadorin gjerman, Jorn Rohde.
Kreu i kësaj partie bën të ditur se Rohden e ka njoftuar për ecurinë e fushatës elektorale dhe momentumin e mirë nëpër të cilin po kalon LDK-ja në tubimet e saj.
Poashtu, Abdixhiku thotë se investimet gjermane në Kosovë, do të trajtohen me prioritet strategjik.
“Në Selinë Qendrore të LDK-së, prita ambasadorin e Gjermanisë Jörn Rohde. Atë e njoftova për ecurinë e fushatës eloktorale dhe momentumin e mirë nëpër të cilin po kalon Lidhja Demokratike e Kosovës në tubimet e mëdha elektorale në gjithë Kosovën! E falenderova për mbështetjen e vazhdueshme të Gjermanisë; siç dhe e njoftova për projektet kryesore që do të nisim si qeveri pas datës së 9 shkurtit. Investimet gjermane, në Kosovë, do të trajtohen me prioritet strategjik”, ka shkruar ai në Facebook, njofton Informim.net
