Partia në pushtet, Lëvizja Vetëvendosje e ka përdorur një xhami për tubim elektoral në Majac të Podujevës.
Prezent në këtë tubim ka qenë ministri i Mbrojtjes, Ejup Maqedonci, si dhe disa kandidatë për deputetë nga Lista e LVV.
“Në fshatin Majac, emri i të cilit vendbanim rrjedh nga fjale ilire-shqipe mal, vërtetë zemra mu bë mal nga mikpritja e banorëve të këtij fshati të cilët konfirmuan përkrahjen e Lëvizjes VETËVENDOSJE” ka shkruar Maqedonci.
Për këtë tubim ka shkruar edhe dega e LVV në Besianë, duke e quajtur xhaminë si “odë e fshatit”.
“Në Majac në odën e fshatit u mbajt tubimi i Lëvizjes e ku mbështetja e banorëve të kësaj ane ishte shumë e fuqishme”, thuhet ndër tjerash në njoftimin e degës.
Në rrjete sociale ka pasur reagime të shumta, ku disa prej tyre këtë veprim të partisë në pushtet e kanë cilësuar si abuzim me objekte fetare
