56 
Ministrja e Punëve të Jashtme, Donika Gërvalla-Schwarz, ka publikuar sot një video nga aeroporti i Prishtinës prej ku ka folur për votimin që po ndodh nëpër ambasada dhe konsullata të Kosovës në shtete të ndryshme.
Megjithatë Gërvalla ka udhëtuar sot edhe personalisht për në Gjermani për të ushtruar të drejtën e saj të votës. Këtë e ka konfirmuar këshilltari i saj për media, Leutrim Sahiti, në një përgjigje për Gazetën Express.
Ambasadori i Kosovës në Gjermani, Faruk Ajeti, ka njoftuar sot se votimet po mbahen në misionet diplomatike dhe konsullore në Berlin, Düsseldorf, Frankfurt, Hamburg, Kopenhagë, München dhe Stuttgart.
KQZ ka njoftuar se deri në orën 11:00, dalja në votime në shtetet e ndryshme ka qenë mesatare prej 21.60 %.
