Opinionisti Frrok Çupi ka komentuar procesin zgjedhor të 9 shkurtit në Kosovë, duke e cilësuar atë si një situatë të tensionuar, ku frika e pushtetit ishte e dukshme.
Ai theksoi në emisionin “Kosova Today” në Klan Kosova, se zgjedhjet nisën me një dhunë të ashpër verbale.
“Ka ndodhur që pushteti të ketë frikë, sepse pushteti e ndjen frikën. E di çfarë ka bërë, si ka punuar. E dyta, nisi me një dhunë, që për mua ishte shumë e rëndë në Kosovë, me sulme verbale dhe sharje”, tha Çupi, transmeton Klankosova.tv.
Ai poashtu shtoi se vonesat në shpalljen e rezultateve po krijojnë dyshime për manipulim të procesit.
“Vonesat që po ndodhin për nxjerrjen e rezultatit janë sëmundja e parë që tregon se po manipulohen zgjedhjet,” u shpreh ai.
