Hamas tha sot se do të lirojë pengjet izraelite ashtu siç ishte e planifikuar fillimisht. Këtë deklaratë e dhanë pasi zhvilluan bisedime “pozitive” me ndërmjetësit, pas një mosmarrëveshjeje që kishin pasur me Izraelin mbi marrëveshjen e armëpushimit në Gaza.
Në bazë të armëpushimit të brishtë, Hamas pritet të lirojë më shumë pengje izraelite këtë fundjavë, për të cilët e kishte shtyrë lirimin, duke akuzuar Izraelin për shkelje të kushteve të armëpushimit.
“Hamas konfirmon pozicionin e tij të vazhdueshëm për të zbatuar marrëveshjen sipas asaj që është nënshkruar, e cila përfshin shkëmbimin e të burgosurve sipas afatit të caktuar,” thuhet në një deklaratë të grupit militant.
“Bisedimet u karakterizuan nga një frymë pozitive,” thuhet në deklaratë, duke shtuar se Egjipti dhe Katari konfirmuan se do të punojnë për të “hequr pengesat dhe për të mbushur boshllëqet.”/CNN
