Kate Hudson ka pranuar se ka një rol për të cilin është penduar që e ka refuzuar. Aktorja 45-vjeçare zbuloi në Capital Breakfast se ajo refuzoi rolin e Andrea Sachs në filmin e vitit 2006, “Djalli vishet me Prada”, një rol që në fund i shkoi Anne Hathaway. “Ishte një vendim i gabuar ”, tha ajo gjatë intervistës.
Aktorja, megjithatë, mbrojti vendimin e saj, duke theksuar se ndërkohë që ishte e interesuar për rolin, orari i saj e pengonte. “Ishte çështje kohe, ishte një nga ato gjëra që nuk mund ta bëja dhe duhej ta kisha bërë, por nuk e bëra”, ka shpjeguar ajo.
Xhirimet për ‘The Devil Wears Prada’ u zhvilluan nga 17 shtatori deri në tetor 2005, ndërsa Hudson ishte e zënë me prodhimin e You, Me and Dupree.
Pavarësisht se dëshironte të kthente kohën pas, aktorja shtoi se “Çdo gjë ndodh për një arsye”.
“Është qesharake, janë valë gjërash që ndodhin dhe njerëz që punojnë në periudha të ndryshme.
Në fund të fundit, Anne Hathaway mori rolin kryesor dhe filmi u bë një sukses i madh komercial, duke sjellë 326 milionë dollarë në arkë. Zbulimi i Hudson vjen disa muaj pasi u konfirmua se një vazhdim i “The Devil Wears Prada” është në proçes, gati 19 vjet pas publikimit të filmit origjinal.
Kate Hudson reveals classic film she regrets turning down iconic role in https://t.co/ixYTg9u3nN
— Daily Mail Celebrity (@DailyMailCeleb) February 22, 2025
