62 
Drejtori Rajonal i Policisë në Ferizaj, Nënkoloneli Faton Pllana, së bashku me stafin e tij, kanë pritur gjatë ditës së sotme Komandantin e Komandës Rajonale Perëndimore të KFOR-it, Kolonelin italian Francesco Errico.
Gjatë takimit, siç bëhet e ditur në një njoftim për media, Pllana e informoi Erricon dhe stafin e tij mbi situatën e sigurisë në rajon, të cilën e vlerësoi si të qetë.
Ai gjithashtu prezantoi disa nga aktivitetet e ndërmarra nga Policia Rajonale për parandalimin e incidenteve dhe aksidenteve.
Në këtë takim thuhet se u diskutua edhe për avancimin e mëtejshëm të bashkëpunimit ndërmjet Policisë dhe forcave të KFOR-it italian, me qëllim ruajtjen dhe forcimin e sigurisë së përgjithshme në rajon.
