39 
Ndeshja e La Ligas e Barcelonës kundër Osasunës u shty të shtunën pas vdekjes së njërit nga mjekët e ekipit të parë të klubit.
“FC Barcelona është e trishtuar të njoftojë lajmin e hidhur të vdekjes së mjekut të ekipit të parë, Carles Minarro Garcia, këtë pasdite,” tha klubi në një deklaratë.
“Për këtë arsye, ndeshja mes FC Barcelona dhe Osasuna është shtyrë për një datë tjetër.
“Këshilli i drejtuesve dhe gjithë stafi i Barcelonës dëshirojnë të shprehin ngushëllimet më të sinqerta për familjen dhe miqtë e tij, jemi me ta në këtë kohë të vështirë.”
Tifozët kishin filluar të hynin në stadiumin olimpik për ndeshjen e kryesuesve të ligës kundër Osasunës, para se të anulohej rreth 20 minuta para orarit të parashikuar të fillimit në orën 20:00.
