Kosova sërish është tronditur nga një akt dhune. Pas vrasjeve të fundit në Vushtrri, mbrëmë një tjetër person ka humbur jetën pas të shtënave me armë zjarri në kryeqytet. Ngjarja e rëndë ndodhi rreth orës 22:30 në rrugën “Rrustem Hyseni” në Prishtinë.
Viktima, 62-vjeçari Naser Gashi, mbeti i vrarë pas plagëve të marra, ndërsa i plagosuri tjetër, Miftar Miftari, është dërguar në spital dhe është jashtë rrezikut për jetë.
Policia e Kosovës ka identifikuar autorin e dyshuar të këtij akti, Alban Gashi, dhe aktualisht është në kërkim të tij.
Dyshohet se Gashi ka qenë i shoqëruar nga një person tjetër, të cilin policia gjithashtu po e kërkon.
Motivet që çuan në këtë akt të dhunshëm ende nuk janë të qarta.
Sipas Sinjalit, i dyshuari Alban Gashi dhe Miftar Miftari kanë pasur disa probleme mes vete në Spanjë dhe vetëm para pak ditësh kanë ardhur në Kosovë.
Ndërkohë raportohet se shtëpia e të dyshuarit është duke u bastisur.
Lidhur me rastin janë deklaruar edhe nga Prokuroria Themelore në Prishtinë
