Harry dhe Meghan duken gjithnjë e më të largët nga familja mbretërore. Madje, sipas thashethemeve, ata po mendojnë të ndryshojnë mbiemrin dhe të quhen Spencer, si Lady Diana. Sipas asaj që u tha në një intervistë nga vëzhguesi mbretëror anglez, Tom Bower, duket se Dukat e Sussex tashmë kanë menduar për implikimet e lëvizjes së tyre me autoritetet britanike.
Një ndryshim i vërtetë imazhi për të cilin Harry dhe Meghan po përgatiten, ndoshta për të shkundur bujën e shkaktuar nga Spare (autobiografia e princit e publikuar në janar). Qëndrimi i tyre është i qartë: të distancohen sa më shumë nga familja mbretërore dhe të lidhen sa më shumë me imazhin e Lady Dianës, princeshës që vdiq tragjikisht 25 vjet më parë.
Tom Bower konfirmon nderimin e çiftit për Lady D: “Diana ka qenë gjithmonë pasioni i Meghan-it, si dhe një obsesion për Harry-n. Dhe duke pasur parasysh heshtjen e kohëve të fundit në Montecito, është e qartë se Sussex-ët po përgatiten për diçka të madhe”.
Mesa duket ish-aktorja nuk do ta kishte aspak problem të ishte si Lady D. “Ky ka qenë gjithmonë fokusi kryesor i Meghan,” tha Tom Bower. Por nëse do të vazhdonin në këtë rrugë, Harry dhe Meghan do të tregonin mungesë respekti për kujtimin e Mbretëreshës Elizabeth.
Familja mbretërore miratoi mbiemrin Windsor në vitin 1917, gjatë sundimit të George V (gjyshi i Elizabeth) i cili gjatë Luftës së Parë Botërore e zgjodhi atë në vend të Sakse-Koburgut dhe Gothës, i gjykuar si shumë gjerman.
