Ish-kryeministri suedez, Carl Bildt, ka vlerësuar lart kancelarin gjerman, Friedrich Merz, për fjalimin e tij në lidhje me luftën në Ukrainë, mbajtur para presidentit amerikan, Donald Trump. Bildt theksoi se asnjë lider europian nuk i ka paraqitur më mirë faktet Trumpit për këtë konflikt sesa Merz.
Gjatë takimit në Zyrën Ovale, kancelari gjerman i bëri të qartë presidentit amerikan se Gjermania dhe Bashkimi Europian po qëndrojnë pranë Ukrainës për shkak të strategjisë së saj ushtarake, e cila fokusohet vetëm në objektiva ushtarake, duke shmangur infrastrukturën civile, private dhe energjetike.
“Kjo është arsyeja pse ne duam të bëjmë më shumë ndaj Rusisë për të ndaluar këtë luftë,” u shpreh Merz, duke theksuar përkushtimin e vendit të tij për mbështetjen e Ukrainës.
Carl Bildt e cilësoi këtë fjalim si një moment kyç në diplomacinë europiane, duke theksuar se Merz është ndër liderët e rrallë që kanë guxuar të artikulojnë qëndrimin e tyre në mënyrë kaq të qartë dhe eksplicite.
Situata në Ukrainë vazhdon të mbetet një nga temat më të rëndësishme në skenën ndërkombëtare, ndërsa qëndrimi i liderëve europianë mbetet vendimtar për të ardhmen e konfliktit.
