Përveç arrestimit të Safet Gjicit, mësohet se është vendosur masa e sigurise “arrest shtëpie” dhe për vajzën në videon intime të regjistruar në zyrat e ish kryebashkiakut.
Ndaj vajzës është ngritur akuza e korrupsionit aktiv.
Videoja është realizuar nga vetë vajza që ndodhej në zyrë me kryetarin e bashkisë. Videoja nuk është regjistruar me celular, por ka pasur mjete filmike në çantën e saj.
Urdhri për masën e arrestit me burg ndaj ish-kryebashkiakut të Kukësit është lëshuar nga Gjykata e Posaçme dhe është ekzekutuar me urdhër të SPAK.
Gjici u vu nën hetim nga SPAK në 16 qershor, pas publikimit të video-skandalit ku ish kryebashkiaku shfaqej duke kryer marrëdhënie seksuale në zyrën e tij të bashkisë.
Pas publikimit të skandalit, qeveria shkarkoi Gjicin nga posti i kreut të bashkisë të Kukësit.
