Presidenti rus Vladimir Putin foli me Presidentin e SHBA-së Donald Trump për 50 minuta të shtunën, duke dënuar operacionin ushtarak izraelit kundër Iranit dhe duke shprehur shqetësim për rreziqet e përshkallëzimit, tha Kremlini.
“Vladimir Putin dënoi operacionin ushtarak të Izraelit kundër Iranit dhe shprehu shqetësim serioz për një përshkallëzim të mundshëm të konfliktit, i cili do të kishte pasoja të paparashikueshme për të gjithë situatën në Lindjen e Mesme”, u tha gazetarëve ndihmësi i Kremlinit Yuri Ushakov.
Trump, nga ana e tij, i përshkroi ngjarjet në Lindjen e Mesme si “shumë alarmante”, sipas Ushakov. Por të dy udhëheqësit thanë se nuk e përjashtojnë një rikthim në rrugën e negociatave për programin bërthamor të Iranit, tha Ushakov.
Lidhur me Ukrainën, Putin i tha udhëheqësit të SHBA-së se Rusia ishte gati të vazhdonte negociatat me ukrainasit pas 22 qershorit, sipas agjencisë shtetërore të lajmeve RIA.
Trump përsëriti interesin e tij për një zgjidhje të shpejtë të konfliktit, tha ndihmësi i Kremlinit.
Putin gjithashtu e uroi Trump për ditëlindjen e tij të 79-të.
