Në një deklaratë të fortë dhe sfiduese, Udhëheqësi Suprem i Iranit, Ayatollah Ali Khamenei, ka shpallur se “beteja ka nisur”, duke ngritur më tej tensionet tashmë të larta në rajon.
Reagimi i tij vjen pas komenteve të ish-presidentit amerikan Donald Trump, i cili deklaroi se “nuk ka ndërmend ta vrasë për momentin” liderin iranian.
Përmes një postimi në rrjetin social X (ish-Twitter), Khamenei shkroi:
“Me ndihmën e Allahut, Republika Islamike do të triumfojë mbi regjimin Zionist. Beteja nisi.”
Kjo deklaratë shënon një eskalim të hapur verbal, ndërsa në terren situata është po aq e tensionuar. Garda Revolucionare e Iranit ka dalë me një deklaratë të veçantë ku pretendon se forcat iraniane kanë marrë kontrollin e hapësirës ajrore izraelite, pas një vale sulmesh raketore.
“Sulmi me raketa tregoi se kemi marrë nën kontroll qiejt e territoreve të pushtuara dhe se banorët e këtyre territoreve janë plotësisht të pambrojtur përballë sulmeve tona”, thuhet në deklaratën e Gardës Revolucionare.
Pretendimi i Iranit për kontroll ajror është i pazakontë dhe ende nuk është verifikuar nga burime të pavarura. Megjithatë, situata në terren ka ndryshuar ndjeshëm pas sulmeve të fundit, të cilat kanë shkaktuar alarme të shumta sigurie në të gjithë Izraelin.
