Elizabeth Anson, organizatorja e njohur e festave mbretërore dhe kushërira e Mbretëreshës Elizabeth II, ka ndarë gjatë jetës së saj detaje të veçanta nga bota e brendshme e familjes mbretërore.
Pesë vite pas ndarjes së saj nga jeta, biografja Sally Bedell Smith ka zbuluar një rrëfim të fortë të Anson në një artikull të botuar në Time, ku përmendet edhe mendimi i Mbretëreshës për Meghan Markle.
Sipas këtij burimi, në kohën kur Princi Harry shpalli fejesën me Meghan Markle, Zonja Anson e kishte përshkruar Meghan-in si një “grua të thjeshtë, inteligjente dhe të përgjegjshme”. Por vetë Mbretëresha, vetëm dy javë para dasmës, ishte dukshëm më skeptike. Ajo besohet të ketë thënë:
“Harry është i çmendur pas grave, ai është i dobët me to. Ne shpresojmë, por nuk besojmë, se ajo është e dashuruar. Ne mendojmë se ajo e orkestroi të gjithën.”
Ky koment hedh dritë mbi dyshimet e mbretëreshës për qëllimet e Meghan dhe natyrën e lidhjes së saj me princin Harry – një pikë e ndjeshme që është diskutuar gjerësisht në publikun britanik dhe atë ndërkombëtar.
Rrëfimi vjen në një moment kur debati për rolin e Meghan Markle në familjen mbretërore dhe largimin e saj nga detyrat zyrtare mbetet ende i nxehtë.
