Lidhja Demokratike e Kosovës (LDK) ka hedhur hapin e parë zyrtar drejt zgjedhjeve lokale të 12 tetorit, duke shpallur dje kandidaturat për kryetarë komunash. Në një atmosferë mobilizuese, kryetari i partisë, Lumir Abdixhiku, ka konfirmuar kandidaturat për kryetarë të komunave, edhe Përparim Ramën për Prishtinën, duke shënuar nisjen e një fushate që synon të mbaj lidershipin e LDK-së në kryeqytet.
Në ditën e parë pas shpalljes së kandiaturave, Abdixhiku ka marrë pjesë në një punëtori me strukturat e degëve të LDK-së në Prishtinë, ku janë diskutuar hapat konkretë për përgatitjen e programit zgjedhor dhe konsolidimin e ekipit që do të udhëheqë fushatën. Ai e ka cilësuar këtë takim si “pikënisje të finalizimit të programit zgjedhor dhe vazhdimit të vizionit për Kryeqytetin.”
Përmes një postimi në Facebook, kryetari i LDK-së ka theksuar angazhimin e lartë të strukturave lokale:
“Punë e punëtori. Ekipi i Prishtinës në nisje… Prishtina duhet me u dashtë, jo me u lakmu.”
Ai e përshkruan ekipin si të jashtëzakonshëm dhe të përkushtuar në ndërtimin e një alternative që do të jetë e denjë për besimin e qytetarëve.
Kandidatura e Përparim Ramës për Prishtinën konsiderohet si një përpjekje për të konsoliduar pozitat e LDK-së në kryeqytet, pas sfidave të kaluara zgjedhore.
