Të paktën 32 persona u vranë nga zjarri izraelit ndërsa po shkonin drejt një vendi shpërndarjeje ndihmash në Gaza në agim të së shtunës, sipas Ministrisë së Shëndetësisë së Gazës dhe Spitalit Nasser në Khan Younis.
Ushtria izraelite tha se kishte qëlluar me armë zjarri ndaj të dyshuarve që iu afruan trupave të saj pasi ata nuk iu bindën thirrjeve për t’u ndaluar, rreth një kilometër larg një vendi shpërndarjeje ndihmash që nuk ishte aktiv në atë kohë.
Banori i Gazës, Mohammed al-Khalidi, tha se ishte në grupin që po i afrohej vendit dhe nuk dëgjoi asnjë paralajmërim para se të fillonin të shtënat. “Menduam se dolën për të na organizuar që të merrnim ndihmë, papritmas pashë xhipat që vinin nga njëra anë dhe tanket nga ana tjetër dhe filluam të qëllonim drejt nesh”, tha ai.
Fondi Humanitar i Gazës, një grup i mbështetur nga SHBA-të që drejton vendin e ndihmës, tha se nuk pati incidente ose viktima atje të shtunën dhe se i ka paralajmëruar vazhdimisht njerëzit të mos udhëtojnë drejt pikave të shpërndarjes në errësirë.
“Aktiviteti i raportuar i IDF (Forcat Mbrojtëse të Izraelit) që rezultoi në viktima ndodhi disa orë para se të hapeshin vendet tona dhe sipas të dhënave tona shumica e viktimave ndodhën disa kilometra larg vendit më të afërt të GHF”, tha ai.
