Në Itali është ndezur alarmi për valën ekstreme të nxehtësisë, me temperaturat që pritet të arrijnë deri në 50 gradë Celsius në disa zona të vendit gjatë javës së ardhshme.
Sulmi kryesor i anticiklonit afrikan do të jetë në jugun e Italisë, veçanërisht në Sicili, ku pritet të thyejë rekorde të mëparshme të temperaturave.
Të dielën, temperaturat e larta do të prekën gjerësisht rajonet e Sardenjës, Sicilisë dhe Puljas, me pritshmërinë e arritjes së 40 gradëve Celsius. Por nga e hëna e ardhshme, termometrat do të ngjiten deri në 45 gradë në zonat e brendshme midis Sirakuzës dhe Katanias, sipas parashikimeve të meteorologjisë italisht-ilMeteo.it.
Ndihmesa e erës së thatë do të përforcojë ndjeshëm nxehtësinë ekstreme, duke i afruar Italisë mundësinë për të thyer rekordin evropian të temperaturës prej 48.8 gradësh, i regjistruar më 11 gusht 2021 në provincën e Sirakuzës.
Nëse kjo do të ndodhë, Italia do të përjetojë një ngjarje historike: temperatura do të afrohet pranë 50 gradëve, një nivel i paprecedentë jo vetëm për vendin, por edhe për tërë Evropën.
Megjithatë, rekordi botëror mbetet në Luginën e Vdekjes (Death Valley) në Shtetet e Bashkuara, ku më 10 korrik 1913 u regjistruan 56.7 gradë Celsius, temperatura më e lartë e dokumentuar në planet.
Valët ekstreme të nxehtësisë dhe temperaturat rekord sjellin sfida të mëdha për shëndetin publik dhe ambientin, duke vënë në provë sistemet e furnizimit me energji, ujin dhe natyrën.
Autoritetet italiane kanë njoftuar masa paraprake për të mbrojtur popullsinë, sidomos grupet më vulnerabël ndaj nxehtësisë së tepërt.
