E deklaron zëdhënësi Dmitry Peskov. Pikërisht sot dhe nesër i dërguari i Papës, kardinali Zuppi, do të jetë në Rusi për të “inkurajuar gjeste te humaniteti”.
Kardinali Matteo Zuppi do të pritet nga këshilltari i Putinit për politikën e jashtme, Yuri Ushakov.
“Në emër të Vladimir Putinit – tha Peskov – këshilltari presidencial Ushakov do të zhvillojë një takim sot me Zuppi për të diskutuar situatën në lidhje me konfliktin në Ukrainë dhe natyrisht mënyrat e mundshme për një zgjidhje politike dhe diplomatike”.
“Ne kemi deklaruar vazhdimisht se vlerësojmë lart përpjekjet, iniciativat e Vatikanit për gjetjen e një zgjidhjeje paqësore të krizës ukrainase dhe mirëpresim përpjekjet e Papës për të kontribuar në ndërprerjen e konfliktit të armatosur”.
Programi i takimeve të kardinalit Matteo Maria Zuppi në misionin e tij në Moskë mbetet rreptësisht konfidencial, duke pasur parasysh gjithashtu se agjenda mund të ndikohet nga ndryshimet në çdo kohë.