107 
Një ngjarje e rëndë ka ndodhur dje në fshatin Batushë të komunës së Graçanicës, ku një burrë është gjetur i varur në ballkonin e shtëpisë së tij.
Sipas burimeve të Sinjalit, viktima është identifikuar si Ismet Saitaj, 68 vjeç, i cili është zbuluar nga fqinji i tij rreth orës 18:30. Menjëherë pas njoftimit, në vendin e ngjarjes kanë mbërritur njësitë e Stacionit Policor Graçanicë, hetuesit dhe prokurori kujdestar për krime të rënda.
Mjeku kujdestar nga Qendra Mjekësore në Ugljarë ka konstatuar vdekjen në orën 19:20. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Policia ka iniciuar rastin si “vdekje e dyshimtë” dhe hetimet për zbardhjen e rrethanave po vazhdojnë.
