93 
Kryetari i AAK-së, Ramush Haradinaj, ka ashpërsuar sulmet ndaj kryeministrit Albin Kurti, duke deklaruar para seancës konstituive të Kuvendit se partia e tij nuk do të japë asnjëherë votë për Albulena Haxhiun.
“AAK nuk ka votë për zonjën Haxhiu. Mund të kemi votë vetëm për kandidatë unifikues,” tha Haradinaj, duke përmendur emra si Glauk Konjufca, Saranda Bogujevci dhe Shqipe Selimi si të pranueshëm për mbështetje.
Ai akuzoi Kurtin se me veprimet e tij është duke mbajtur Kosovën peng.
“Qëllimi i Kurtit nuk ka ndryshuar – është mbajtja peng e Kosovës dhe qeverisja joligjore,” theksoi Haradinaj.
