38 
Policia e Kosovës ka sekuestruar mbi 20 kilogramë marihuanë mbrëmë rreth orës 20:00 në zonën kufitare mes Kosovës dhe Shqipërisë.
Sipas burimeve të para, lënda narkotike ishte e destinuar për tregun vendas. Deri më tani nuk raportohet për persona të arrestuar në lidhje me këtë rast.
Hetimet janë duke vazhduar me qëllim të identifikimit të personave të përfshirë dhe zbardhjes së plotë të rrjetit që dyshohet se ka organizuar transportimin e drogës.
Autoritetet po hetojnë edhe mundësinë e përfshirjes së një grupi të strukturuar kriminal që operon në të dy anët e kufirit.
