37 
Kryetari i Komunës së Istogut, Ilir F. Ferati, ka pritur sot në një takim njohës komandantin e ri të KFOR-it për Rajonin Perëndim, kolonel Lorenzo Mangia.
Në këtë takim, kryetari Ferati e uroi kolonelin Mangia për marrjen e detyrës së re, duke i dëshiruar suksese në misionin e tij në Kosovë. Ai gjithashtu shprehu mirënjohje për rolin e KFOR-it në garantimin e sigurisë, ruajtjen e paqes dhe në ndërtimin e bashkëpunimit të qëndrueshëm me institucionet lokale në Istog.
“Mirë se erdhe në Istog, kolonel Mangia! Vlerësojmë lartë kontributin e vazhdueshëm të KFOR-it dhe presim vazhdimin e këtij bashkëpunimi në të mirë të qytetarëve tanë,” u shpreh kryetari Ferati.
Burimi i informacionit dhe me shume foto: https://www.facebook.com/share/p/19gH1tzFVb/
