Gazetari Reldar Dedaj, i ftuar në studion e News24, ka komentuar mbi formimin e qeverisë së re dhe rolin e opozitës në Parlamentin e ardhshëm, duke dhënë një panoramë kritike për funksionimin e jetës politike në vend
Sipas tij, kabineti i ri qeveritar nuk do të ketë figura të pavarura, por vetëm ministra të cilët do të ndjekin pa kundërshtime vendimet e kryeministrit. “Ministrat e rinj do të jenë thjesht figura që do të ndjekin me përpikmëri çdo marrëveshje sipas urdhrit që do marrin. Nuk kam parë ndonjë ministër të Ramës që të ketë shfaqur revoltë ndaj vendimeve të tij,” tha Dedaj
Ai u ndal edhe te opozita, duke e cilësuar atë si të pafat, por edhe me përgjegjësi për gjendjen aktuale. “Opozita shqiptare është edhe fatkeqe, jo se nuk ka fajet e veta. Me gjithë vështirësitë po e merr veten, por sa i përket jetës parlamentare nuk do të ketë asnjë rol,” u shpreh gazetari.
Dedaj shtoi se roli i vetëm i opozitës duhet të ishte pengimi i konsolidimit të një panorame autoritariste: “Funksioni i saj do të ishte të mos lejonte funksionimin e saj duke mos qenë një garniturë e kësaj panorame të autoritarizmit,” tha ai
