Në bord kishte më shumë se tridhjetë persona. Të mbijetuarit u plagosën dhe tani janë në spital. Ngjarja ka ndodhur në shtetin indian të Maharashtra
Aksident tragjik në Indi ku një autobus privat doli nga rruga dhe mori flakë natën mes të premtes dhe të shtunës teksa po udhëtonte në një autostradë në shtetin Maharashtra.
Të paktën njëzet e pesë persona vdiqën dhe tetë të tjerë u plagosën.
Automjeti ishte rrugës për në qytetin e Pune, kur u përplas me një shtyllë dhe u përmbys, më pas mori flakë. Të plagosurit, përfshirë shoferin e autobusit, u dërguan në një spital pranë vendit të aksidentit në shtetin Maharashtra, rreth 400 kilometra në lindje të kryeqytetit financiar të Indisë Mumbai.
“Thellësisht i pikëlluar nga incidenti shkatërrues”, tha kryeministri indian Narendra Modi. “Mendimet dhe lutjet e mia janë me familjet e atyre që humbën jetën. Të lënduarit të shërohen sa më shpejt. Pushteti vendor po ofron të gjithë ndihmën e mundshme për të prekurit”, shton ai.
