89 
Skuadra e Napolit po punon për të finalizuar transferimin e sulmuesit Rasmus Hojlund nga Manchester Unitedi.
Kampioni i Italisë, thuhet se ka arritur marrëveshje si me Manchester Unitedin ashtu edhe me Hojlundin, që pritet të bëhet zyrtare së shpejti.
Napoli është futur në treg për një sulmues të ri pas lëndimit të Romelu Lukakut në prag të fillimit të sezonit 2025/26.
Napoli do ta huazojë për një sezon Hojlundin, si dhe do ta ketë blerjen e tij të obliguar vitin tjetër për 45 milionë euro.
Danezi 23-vjeçar verën e shkuar iu bashkua Manchester Unitedit nga Atalanta për 77 milionë euro dhe me ekipin anglez ka kontratë deri në vitin 2028.
