Kombëtarja e Kosovës ka arritur një fitore të madhe në kualifikimet për Kampionatin Botëror të vitit 2026.
“Dardanët” fituan 2-0 ndaj kombëtares së Suedisë në “Fadil Vokrri”.
Golin e parë në ndeshje e shënoi Elvis Rexhbeçaj në minutën e 26-të.
Mesfushori dardan shënoi pas një asistimi të hatashëm nga Dion Gallapeni, në një kundërsulm të shpejt.
Golin e dytë të ndeshjes e shënoi Vedat Muriqi, po ashtu pas një kundërsulmi, me një kombinim të mirë me Albion Rrahmanin.
Kështu përfundoi pjesa e parë, teksa edhe në të dytën nuk pati ndryshime në rezultatin përfundimtar.
Kosova u mbajt për 45 minuta, madje edhe krijoi disa raste të mira shënimi.
Në minutat e fundit të ndeshjes, Lindon Emërllahu u ndëshkua me të kuq.
Kështu, me këtë fitore, Kosova shkon në kuotën e tri pikëve, pas dy ndeshjeve, duke zënë vendin e dytë në tabelë, pas Zvicrës.
Ndeshjet e ardhshme, Kosova i luan në tetor.
