Princ William dhe Princesha e Uellsit, Kate Middleton, përshëndetën të mërkurën Presidentin amerikan Donald Trump dhe Zonjën e Parë Melania Trump, në një takim zyrtar në Kështjellën Windsor.
Çifti presidencial amerikan mbërriti në Britani me avionin presidencial Air Force One, ku pas zbritjes u mirëpritën nga anëtarët e familjes mbretërore britanike me një shtrëngim duarsh ceremonial.
Sipas burimeve të “The Independent”, gjatë takimit, presidenti Trump iu drejtua Princeshës Kate me fjalët:
“Je kaq e bukur, kaq e bukur”.
Kjo ishte hera e parë që Trump takohej me Kate që nga vizita e tij e fundit shtetërore në Mbretërinë e Bashkuar në vitin 2018.
Ky takim e vendos Donald Trump-in si udhëheqësin e parë politik të zgjedhur në kohët moderne që pritet dy herë nga një monark britanik. Kujtojmë se në vitin 2019, ai u prit nga Mbretëresha Elizabeth II, gjyshja e Princit William, në një vizitë që pati rëndësi të veçantë në marrëdhëniet SHBA–Mbretëri e Bashkuar.
