56 
Prokuroria Themelore në Prishtinë ka ngritur aktakuzë kundër katër personave të dyshuar për vrasjen e dyfishtë që ndodhi më 26 mars 2024 në lagjen Kolovicë të Prishtinës.
Sipas aktakuzës, të dyshuarit në bashkëkryerje privuan nga jeta dy persona, E.G. dhe Z.G., në rrugën “Butrinti”, si dhe rrezikuan me dashje jetën e të tjerëve të pranishëm në vendngjarje.
Aktualisht, Lum Halilaj ndodhet në paraburgim, ndërsa Ahmet Berisha, Naim Berisha dhe K.G. janë në arrati.
Prokuroria ka deklaruar se janë ndërmarrë të gjitha veprimet për të siguruar paraqitjen e të pandehurve në procedurë penale, por ata vazhdojnë të fshihen me qëllim shmangien e drejtësisë.
