Transmetuar nga kanali Telegram Gray Zone, i afërt me Wagner
Yevgeny Prigozhin premton “fitore të reja në front në të ardhmen e afërt” për kompaninë e tij Wagner, në mesazhin e parë audio të lëshuar pas një jave, ndërsa vendndodhja e tij ende nuk dihet.
Kështu dëgjohet në një audio të postuar në kanalin Grey Zone, i afërt me Wagnerin.
Zëri që flet duket se është në të vërtetë i Prigozhinit.
Audioja, që zgjati rreth dyzet sekonda, u transmetua nga Gray Zone, por jo nga kanalet e tjera që zakonisht përdoren për të transmetuar mesazhet e Prigozhin, veçanërisht nga ai që konsiderohet zyrtar, Press-Sluzhba Prigozhina, që i përkiste kompanisë së tij Holding Concord.
“Sot – thekson në mesazh autori që prezantohet pikërisht si kreu i Wagner – ne kemi nevojë për mbështetjen tuaj më shumë se kurrë. Faleminderit për këtë. Dua që të kuptoni se Marshi ynë për Drejtësi kishte për qëllim luftimin e tradhtarëve dhe mobilizimin e shoqërisë sonë. Dhe unë mendoj se kemi arritur shumë nga kjo. Në të ardhmen e afërt jam i sigurt se do të shihni fitoret tona të radhës në front. Faleminderit djema!”
