Në një demonstrim të qartë të përkushtimit ndaj bashkëpunimit ndërkombëtar dhe luftës kundër krimit të organizuar, një delegacion i lartë i Policisë së Kosovës mori pjesë në Konventën Vjetore të Shefave të Policive, mbajtur më 23 dhe 24 shtator në selinë e Europol-it në Hagë.
Delegacioni, i udhëhequr nga zëvendësdrejtori i përgjithshëm Fehmi Hoti dhe i përbërë nga drejtues të departamenteve kyçe të hetimeve dhe bashkëpunimit ndërkombëtar, si dhe zyrtari ndërlidhës në Europol, u bashkua me përfaqësues nga vendet anëtare dhe partnere të BE-së për të diskutuar sfidat e reja të sigurisë.
Diskutimet u fokusuan në: Krimin e organizuar ndërkombëtar; Trafikimin e narkotikëve; Pastrimin e parave; Keqpërdorimin e shërbimeve financiare digjitale; Format e reja të krimit financiar
Delegacioni kosovar zhvilloi takime bilaterale me përfaqësues të policive partnere dhe institucione ligjzbatuese, duke trajtuar çështje të sigurisë rajonale dhe globale, si dhe duke ndarë praktika të mira për rritjen e profesionalizmit dhe efikasitetit në fushën e zbatimit të ligjit.
Pjesëmarrja në këtë konventë konfirmon rolin aktiv të Policisë së Kosovës në rrjetin e sigurisë evropiane dhe përkushtimin e saj për të përballuar sfidat që po evoluojnë në një mjedis gjithnjë e më kompleks ndërkombëtar.
