Kryeministri në detyrë i Kosovës, Albin Kurti, po qëndron për një vizitë zyrtare në Shtetet e Bashkuara të Amerikës.
Gjatë qëndrimit të tij, ai ka vizituar memorialin e 11 Shtatorit në New York, ku bëri homazhe për viktimat e sulmeve terroriste të vitit 2001.
Përmes një postimi në platformën ‘X’, Kurti e ka përshkruar këtë vizitë si një përvojë prekëse dhe të dhimbshme.
“Vizita në memorial sot ishte veçanërisht prekëse. Është e vështirë të kuptosh se si një qytet kaq i gjallë dhe me ritëm të shpejtë u godit nga një shkatërrim kaq i madh”, shkroi Kurti.
Ai shtoi se memoriali nuk përkujton vetëm viktimat dhe aktet e trimërisë, por edhe qëndrueshmërinë dhe shpirtin e qytetit.
“Ky memorial nderon jo vetëm aktet e pashprehshme të trimërisë së njerëzve që shpëtuan njëri-tjetrin, por edhe humbjen e jashtëzakonshme: gati 3,000 jetë të humbura dhe dhjetëra mijëra që vazhdojnë të vuajnë nga sëmundje të lidhura me këtë ngjarje. Megjithatë, ai qëndron gjithashtu si një kujtesë e qëndrueshmërisë, unitetit dhe shpirtit të Nju Jorkut dhe Shteteve të Bashkuara”, përfundoi ai.
Commemorating 9/11 is always a sorrowful experience. Visiting the memorial today was particularly moving. It is difficult to comprehend that a city so fast-paced and vibrant was struck by such devastation. This memorial honors not only the unspeakable acts of bravery shown by… pic.twitter.com/cMI65efM2c
— Albin Kurti (@albinkurti) September 27, 2025
