Partia qeverisëse pro-Bashkimit Evropian në Moldavi korri një fitore të thellë ndaj rivalit të saj me prirje ruse në zgjedhjet kyçe parlamentare, sipas rezultateve të së hënës, një mbështetje e përpjekjes së Moldavisë për t`u bashkuar me bllokun dhe për t`u çliruar nga orbita e Moskës.
Performanca e fortë të dielën nga Partia e Veprimit dhe Solidaritetit e Presidentes Maia Sandu kundër Bllokut Patriotik do të jetë një lehtësim për qeverinë dhe partnerët e saj evropianë, të cilët e kishin akuzuar Moskën se po përpiqej të ndikonte në rezultat.
Sondazhet para zgjedhjeve i vendosin PAS-in dhe Bllokun Patriotik në barazim, me asnjërin që nuk kishte gjasa të arrijë shumicën.
Ndërsa me pothuajse të gjitha votat e numëruara, PAS fitoi 50.1% kundrejt 24.2% të Bllokut Patriotik, i cili kishte kërkuar ta afronte Moldavinë me Moskën. Fitorja tani i lejon qeverisë të shtyjë përpara qëllimin e saj për anëtarësim në BE deri në vitin 2030.
Gjithashtu, kjo e kursen Moldavinë nga pazarllëku politik që kishte kërcënuar të sillte më shumë paqëndrueshmëri pas asaj që zyrtarët e përshkruan si një fushatë ruse për të dëmtuar zgjedhjet dhe kursin e Moldavisë drejt Evropës.
Moldavia ka gjithashtu një enklavë separatiste pro-ruse të quajtur Transnistria përgjatë kufirit të saj me Ukrainën, me një prani ushtarake ruse. Banorët në këtë këtë enklavë kanë pasaporta moldave. Shumë prej tyre janë fuqimisht pro-Moskës.
Moldavia me një popullsi prej 2.4 milionë banorësh është prekur nga lufta në Ukrainën fqinje dhe ndërhyrja e dyshuar ruse me mungesa të energjisë ndërsa ishte e luhatur prej kohësh mes Rusisë dhe BE-së
