43 
Një ngjarje e rëndë ka tronditur një nga lagjet periferike të qytetit të Korçës, ku një i ri është gjetur i dhunuar rëndë nga banorë të zonës.
Sipas burimeve, qytetarët kanë njoftuar menjëherë policinë, ndërsa i riu është transportuar me urgjencë në Spitalin Rajonal të Korçës.
Burime spitalore bëjnë me dije se i riu ka pësuar fraktura të shumta në kokë si dhe thyerje të gishtave, duke lënë të kuptohet për një akt të rëndë dhune fizike.
Më shqetësues është fakti se vetë i dëmtuari nuk mban mend se kush e ka sulmuar, duke e bërë hetimin edhe më kompleks për autoritetet.
Policia ndodhet në vendngjarje dhe po punon për zbardhjen e plotë të rrethanave të këtij sulmi misterioz dhe brutal.
