37 
Kryetari i Komunës së Lipjanit, Imri Ahmeti, ka zhvilluar një takim me qytetarët e fshatit Konjuh, ku është pritur me entuziazëm dhe pjesëmarrje të madhe.
Ahmeti tha se përkrahja e qytetarëve në çdo takim është e dukshme, duke theksuar se ajo vjen si rezultat i punës konkrete dhe jo, siç u shpreh ai, i “fjalëve boshe”.
“Programi ynë është program i qytetarëve. Këtë e kemi dëshmuar me punë dhe me projekte konkrete. Faleminderit Konjuh për mbështetjen tuaj të jashtëzakonshme”, tha kryetari Ahmeti në fjalën e tij.
Ai shtoi se takime të tilla do të vazhdojnë edhe në vendbanime të tjera të komunës, me synimin që programi qeverisës të reflektojë sa më shumë kërkesat dhe nevojat e qytetarëve.
