121 
Deputeti serb në Kuvendin e Kosovës, Nenad Rashiq, ka deklaruar se është i gatshëm të marrë pozitën e nënkryetarit të Kuvendit, nëse siguron votat e nevojshme nga deputetët.
Në një prononcim për media, Rashiq theksoi se kandidatura e tij nuk është çështje e njëanshme, por varet nga mbështetja që do të marrë nga subjektet politike.
“Nëse arrij të marr votat e mjaftueshme… Marrëveshja nuk varet prej meje për sa i përket votave. Por, nëse vjen radha ime – siç gjithmonë kam thënë – besoj se jam i përgjegjshëm për dikë. Nëse votojnë për mua, normalisht që do ta marr detyrën me përgjegjësi”, u shpreh ai.
Rashiq shtoi se është në pritje që edhe parti të tjera politike të japin mbështetjen e tyre për kandidaturën e tij.
