Marrëveshja e Paqes, e vendosur nga Presidenti i Amerikës Donald Trump ka hyrë në fuqi dhe zbatim. Ky plan ka si qëllim vendosjen e armëpushimit mes Izraelit dhe Gazës, ndihmën ndaj popullit palestinezë dhe lirimin e pengjeve nga autoritetet Izraelite. Në këtë marrëveshje kanë marrë pjesë shumë emra të rëndësishëm ndërkombëtar, të cilët pritet të jenë deri në fazat e fundit të zbatimit të plani.
Por kush janë personlitetet të cilët do të shpëtojnë Gazën ?
BBC shkruan se përveç Presidentit Trump, emra të tjerë të rëndësishëm janë edhe Jared Kushner, dhëndri i Trump, Steve Witkoff, i dërguari i SHBA-së në Lindjen e Mesme dhe emrat e tjerë të listuara më poshtë.
1- Donald Trump, president i SHBA-së
SHBA-të kanë qenë mbështetësi më i madh ushtarak dhe politik i Izraelit gjatë dy viteve të sulmeve në Gaza që kanë vrarë më shumë se 67,000 njerëz, me Trump dhe paraardhësin e tij Joe Biden që kanë dërguar më shumë eksplozivë se çdo vend tjetër në Izrael, ndërsa kanë bllokuar vazhdimisht përpjekjet diplomatike për t’i dhënë fund bombardimeve.
2- Steve Witkoff, i dërguari i SHBA-së në Lindjen e Mesme
Witkoff u dërgua nga Trump për t’u bashkuar me bisedimet e fundit në Egjipt. Zhvilluesi i pasurive të patundshme në Nju Jork, i cili u bë diplomat, më vonë u zhvendos në Izrael për të mbikëqyrur miratimin e marrëveshjes nga SHBA-ja.
Macron riemëron Lecornun kryeministër pas dorëheqjes së ti, përpjekje për të ruajtur stabilitetin politik
3- Benjamin Netanyahu, kryeministri izraelit
Udhëheqësi më jetëgjatë i Izraelit, i votuar në detyrë gjashtë herë që nga mesi i viteve 1990, ka mbikëqyrur luftën e fundit dhe më vdekjeprurëse në Gaza. Kryeministri është subjekt i një urdhër arresti nga gjykata ndërkombëtare penale (ICC) për krime lufte, përfshirë urinë si një metodë lufte. Ai e hedh poshtë autoritetin e gjykatës.
4- Khalil al-Hayya, kryenegociatori i Hamasit
Zyrtari i lartë i Hamasit, i cili ka qenë i vendosur në Doha, i mbijetoi një sulmi izraelit ndaj Katarit në shtator. Një muaj pasi filloi lufta aktuale, Hayya u citua duke lavdëruar sulmin e 7 tetorit ndaj Izraelit në të cilin u vranë rreth 1,200 njerëz dhe u morën peng 251 – si një akt të madh.5-Jared Kushner, dhëndri i Trump
Kushner shoqëroi Steve Witkoff në raundin e fundit të bisedimeve në Egjipt. Dhëndri i Trump ishte aktiv në Lindjen e Mesme gjatë mandatit të parë të presidentit dhe vazhdon të ketë interesa biznesi në Gjirin Persik.
5- Tony Blair, ish-kryeministër britanik
Sipas planit të Trump, ish-lideri i Partisë Laburiste Britanike shihet si një guvernator i përkohshëm i mundshëm i Gazës, por ai shihet me skepticizëm nga zyrtarët palestinezë.
6- Ron Dermer, ministër izraelit i çështjeve strategjike
Një njeri i ngushtë i Netanyahut, Dermer u emërua për të udhëhequr delegacionin izraelit për diskutime në vendpushimin e Detit të Kuq Sharm el-Sheikh, Egjipt, në fillim të kësaj jave.
7- Sheikh Mohammed bin Abdulrahman Al Thani, kryeministër i Katarit
Një figurë kyçe në bisedime, kryeministri mori pjesë në bisedimet në Egjipt si përfaqësues i Katarit, një nga kombet kryesore ndërmjetëse.
