Në prag të ndeshjes Serbi–Shqipëri, e vlefshme për kualifikueset e Kampionatit Botëror 2026, në qytetin e Nishit është zhvilluar darka zyrtare e organizuar nga Federata Serbe e Futbollit (FSS).
Në këtë aktivitet mori pjesë delegacioni i Federatës Shqiptare të Futbollit (FSHF), i kryesuar nga Presidenti Armand Duka, ndërsa nga pala serbe ishin të pranishëm Presidenti i Federatës së Futbollit të Serbisë, Dragan Džajić, si dhe disa zyrtarë të tjerë të lartë të institucionit.
Sipas njoftimit zyrtar të FSHF-së, takimi është zhvilluar në një atmosferë miqësore, duke u përqendruar te respekti i ndërsjellë dhe vlerat e sportit që e bëjnë futbollin një urë bashkimi mes popujve.
Federata Shqiptare e Futbollit e ka cilësuar pjesëmarrjen në këtë ngjarje si një shprehje të qartë të frymës së bashkëpunimit dhe korrektësisë institucionale në kuadër të marrëdhënieve sportive ndërkombëtare.
