Amir Rrahmani do të vazhdojë të jetë pjesë e Napolit edhe për katër vitet e ardhshme. Mediat italiane, përfshirë “Il Mattino”, raportojnë se kapiteni i Kosovës ka arritur marrëveshje për rinovimin e kontratës deri në vitin 2028, me një pagë prej 4.1 milionë eurosh në sezon – duke u renditur mes më të paguarve në skuadrën e Antonio Contes.
Kontrata e re përfshin tre vite të sigurta dhe një opsion për vitin e katërt. Edhe pse data e nënshkrimit nuk është bërë publike, burimet italiane e konsiderojnë marrëveshjen të mbyllur.
Aktualisht, Rrahmani po rikuperohet nga një lëndim i marrë me Kosovën, që e la jashtë ndeshjeve të tetorit kundër Sllovenisë dhe Suedisë.
Përballja e radhës e Kosovës në Suedi do të zhvillohet pa disa qendërmbrojtës titullarë, përfshirë edhe Lumbardh Dellovën dhe Fidan Alitin.
