Një ngjarje e rëndë është regjistruar sot në Shëngjin, ku një punëtor ndërtimi ka humbur jetën pasi ra nga lartësia e një pallati ku po punonte.
Sipas burimeve paraprake, ngjarja ka ndodhur në zonën e Kunes, ndërsa viktima dyshohet se ishte duke kryer punime në një objekt shumëkatësh në momentin e aksidentit.
Ende nuk është bërë e ditur mosha apo identiteti i viktimës, ndërkohë që grupi hetimor ndodhet në vendngjarje për të sqaruar rrethanat e plota të rastit.
Policia ka nisur hetimet për të përcaktuar nëse janë respektuar masat e sigurisë në punë, teksa trupi i pajetë i punëtorit është dërguar për ekzaminim mjeko-ligjor.