61 
Daut Haradinaj nga Aleanca për Ardhmërinë e Kosovës ka shprehur skepticizëm të thellë për formimin e Qeverisë “Kurti 3”, duke e cilësuar si të paqëndrueshme dhe të ndërtuar mbi pazare politike. Para seancës së jashtëzakonshme në Kuvend, ai tha se ka dëgjuar për mundësinë e një votimi të fshehtë, por nuk sheh zgjidhje të qëndrueshme për vendin.
“Shpresoj që Kurti i ka numrat, ne jemi pro funksionimit të institucioneve, por nuk kemi një qeveri programore siç e kërkon Kosova”, deklaroi Haradinaj. Ai shtoi se edhe nëse votohet një qeveri e re, ajo do të jetë produkt i pazareve dhe jo i një vizioni të qartë për vendin.
Sipas tij, mungesa e një programi konkret nga Kurti dhe paqartësia politike e kanë futur vendin në një gjendje të pasigurt.
