28 
Deputeti i PDK-së, Mërgim Lushtaku, ka deklaruar se partia e tij nuk do të synojë krijimin e qeverisë së re, duke pranuar se nuk i ka numrat e nevojshëm për ta bërë këtë. Para seancës së Kuvendit, ai komentoi mundësinë që PDK të marrë mandatin në rast se dështon përpjekja e Albin Kurtit për formimin e Qeverisë “Kurti 3”.
“Ne nuk do të tentojmë të krijojmë qeverinë sepse nuk i kemi numrat,” tha Lushtaku, duke shtuar se përgjegjësia për krizën aktuale institucionale i takon partisë së parë. Sipas tij, dështimi për të siguruar mbështetje parlamentare është arsyeja pse vendi ndodhet në këtë situatë të paqartë politike.
